ЭКОЛОГИЙН VIII ОЛИМПИАД ЗОХИОН БАЙГУУЛАГДЛАА

ХААИС-ийн Агроэкологийн сургуулийн Экологийн тэнхимээс нийслэлийн ерөнхий боловсролын сургуулиудын ахлах ангийн сурагчдын дунд уламжлал болгон зохион байгуулагддаг экологийн олимпиад  (VIII)  2019 оны 04-н сарын 20-нд  амжилттай явагдлаа.

Тус олимпиадын гол зорилго нь ирээдүй хойч үедээ тогтвортой хөгжил рүү хөтөлсөн экологийн боловсрол олгох, эрүүл-аюулгүй  амьдрах орчныг бүрдүүлэхэд хувь хүний оролцоог нэмэгдүүлэх, байгаль экологийн тэнцвэрт байдлыг хадгалахад сурагчдын мэдлэг, чадварыг дээшлүүлэхэд чиглэгдсэн.  

Нөгөө талаас ХААИС  сургууль  болон Агроэкологийн сургуулийн мэргэжлийн хөтөлбөрүүдийг сурталчлан таниулах, элсэгчдийн тоо хэмжээг нэмэгдүүлэх,  дунд сургуулиудтай  тогтвортой хамтын ажиллагаа хөгжүүлэх үндсэн зорилгоо биелүүллээ.     

Экологийн VIII олимпиадад нийтдээ 20 сургуулийн   11-12 дугаар ангийн  68  сурагч оролцсон ба I шатнаас 18 сурагч шалгарч II шатанд “Ногоон хот-Бидний оролцоо” сэдэвт илтгэл хэлэлцүүллээ. Шалгаруулалтын нийлбэр дүнгээр:

I байранд Г. Жаргал (52-р сургууль)

II байранд Ц.Даваасүрэн (2-р сургууль)

III байранд О.Азжаргал (35-р сургууль)

тусгай байранд Ц. Ганболор, М. Ариунсанаа (106-р сургууль) сурагч нар шалгарч өргөмжлөл, мөнгөн шагнал, ХААИС-д элсэн суралцах  урилгаар шагнагдлаа.